Lyrics

jo baat tujh men hai terii tasviir men nahiin, tasviir men nahiin
jo baat tujh men hai
rangon men teraa aks dhalaa, tuu na dhal sakii
saanson kii aanch jism kii kushabuu na dhal sakii
tujh men, tujh men jo loch hai terii tahariir men nahiin
tahariir men nahiin
jo baat tujh men hai terii
bejaan husn men kahaan raftaar kii adaa
inakaar kii adaa hai na iqaraar kii adaa
koii, koii lachak bhii zulf-e-girahagiir men nahiin
jo baat tujh men hai terii
duniyaa men koi chiiz nahiin hai terii taraha
phir ek baar saamane aa jaa kisii taraha
kyaa aur, kyaa aur ek jhalak merii taqadiir men nahiin
taqadiir men nahiin
jo baat tujh men hai terii