Lyrics

hasiin chaand-sitaaron kaa vaastaa aa jaa
dhadakate dil ke ishaaron kaa vaastaa aa jaa
hasiin chaand-sitaaron
mujhe pukaarane vaale main kaash aa sakataa
jhukaataa sar tere qadamon men gar jhukaa sakataa
tere bagair gulistaan hai meraa viiraanaa
bahaar leke bahaaron kaa vaastaa aa jaa
hasiin chaand-sitaaron
tujhe talaash bahaaron kii phir nahiin hotii
jigar ke daag agar tujhako main dikhaa sakataa
phir ek baar mohabbat kii aabaruu rakh le
gariib dil kii pukaaron kaa vaastaa aa jaa
hasiin chaand-sitaaron
na tuu pukaarataa mujhako na main tadap jaataa
nasiib bigade hu_e dil agar milaa sakataa
nasiib ruuth gayaa hai to ruuth jaane de
magar nasiib ke maaron kaa vaastaa aa jaa
hasiin chaand-sitaaron