Vo Subah Kabhii To Aayegii, Vo Subah Kabhii To Aayegii Lyrics - Phir Subah Hogi | Mala Sinha | Rehman | Rahman | Asha | Mukesh

vo subah kabhii to aayegii, vo subah kabhii to aayegii
in kaalii sadiyon ke sar se, jab raat kaa aanchal dhalakegaa
jab ambar jhuum ke naachegii, jab dharatii nagame gaaegii
vo subah kabhii to aayegii
jis subah kii khaatir jug-jug se,
ham sab mar-mar ke jiite hain
jis subah kii amrit kii dhun men, ham zahar ke pyaale piite hain
in bhuukhii pyaasii ruuhon par, ek din to karam faramaayegii
vo subah kabhii to aayegii
maanaa ke abhii tere mere in aramaanon kii, kiimat kuchh nahiin
mittii kaa bhii hai kuchh mol magar,
inasaanon kii kiimat kuchh bhii nahiin
inasaanon kii izzat jab jhuuthe sikkon men naa tolii jaayegii

vo subah kabhii to aayegii
daulat ke liye ab aurat kii, ismat ko naa bechaa jaayegaa
chaahat ko naa kuchalaa jaayegaa, gairat ko naa bechaa jaayegaa
apanii kaalii karatuuton par, jab ye duniyaa sharamaayegii
vo subah kabhii to aayegii
biitenge kabhii to din aakhir, ye bhuukh aur bekaarii ke
tuutenge kabhii to but aakhir, daulat kii ijaaredaarii kii
ab ek anokhii duniyaa kii, buniyaad uthaaii jaayegii
vo subah kabhii to aayegii
majabuur budhaapaa jab suunii, raahon men dhuul na phenkegaa
maasuum ladakapan jab gandii, galiyon men bhiikh naa maangegaa
hak maangane vaalon ko, jis din suulii na dikhaaii jaayegii
vo subah kabhii to aayegii