Lyrics

madhuban khushabuu detaa hai, saagar saavan detaa hai
jiinaa usakaa jiinaa hai, jo auron ko jiivan detaa hai
madhuban
suuraj na ban paae to, banake diipak jalataa chal -2
phuul milen yaa angaare, sach kii raahon pe chalataa chal -2
pyaar dilon ko detaa hai, ashkon ko daaman detaa hai
jiinaa usakaa jiinaa hai, jo auron ko jiivan detaa hai
madhuban
chalatii hai laharaake pavan, ke saans sabhii kii chalatii rahe -2
logon ne tyaag diye jiivan, ke priit dilon men palatii rahe -2
dil vo dil hai jo auron ko, apanii dhadakan detaa hai
jiinaa usakaa jiinaa hai, jo auron ko jiivan detaa hai
madhuban