Laagii Manavaa Ke Biich Kataarii Ki Maaraa Gayaa Brahmachaarii Lyrics - Chitralekha | Ashok Kumar | Meena Kumari | Pradeep Kumar | Prabodh Chandra Dey (Manna Dey)

laagii manavaa ke biich kataarii
ki maaraa gayaa brahmachaarii, haay
kaisii zulmii banaayii taine naarii
ki maaraa gayaa brahmachaarii
aisaa ghungharuu paayaliyaa kaa chhanakaa
morii maalaa men atak gayaa manakaa
main to bhuula prabhuu,
main to bhuula prabhuu sudh-budh saarii
ki maaraa gayaa brahmachaarii
koii chanchal koii matavaalii hai
koii natakhat, koii bholii-bhaalii hai
kabhii dekhii na thii, haay
kabhii dekhii na thii aisii phulavaarii
ki maaraa gayaa brahmachaarii

badii jatanon saadh banaayii thii
merii barason kii puny kamaayii thii
taine pal men, haay,
taine pal men bhasam kar daarii
ki maaraa gayaa brahmachaarii
mohe baavalaa banaa gayii va kii batiyaan
mose katatii nahiin hain ab ratiyaan
padii sar pe, haay
padii sar pe bipat atii bhaarii
ki maaraa gayaa brahmachaari
mohe un bin kachhuu na suhaaye re
more akhiyon ke aage laharaaye re
gore mukhade pe, haay!
gore mukhade pe lat kaarii-kaarii
ki maaraa gayaa brahmachaarii