Lyrics

bachchon
ek samay kii baat suno, andhiyaarii thii raat suno
diipak chorii ho gayaa, chaand kahiin par kho gayaa

phir kyaa huaa?

chandaa ko dhuundhane sabhii taare nikal pade -2
galiyon men vo nasiib ke maare nikal pade
chandaa ko

chandaa ko dhuundhane sabhii taare nikal pade -2
galiyon men vo nasiib ke maare nikal pade
chandaa ko
unakii nazar kaa jis ne nazaaraa churaa liyaa
unake dilon kaa jis ne sahaaraa churaa liyaa
us chor kii talaash men saare nikal pade
chandaa ko
gam kii andherii raat men jalanaa padaa unhen
phuulon ke badale kaanton pe chalanaa padaa unhen
dharatii pe jab gagan ke dulaare nikal pade
chandaa ko
unakii pukaar sun ke yah dil dagamagaa gayaa
ham ko bhii koii bichhadaa huaa yaad aa gayaa
bhar aaii aankh hamaare nikal pade
chandaa ko