Lyrics

koii maane yaa na maane, jo kal tak the an_jaane
vo aaj hamen jaan se bhii pyaare ho gaye
koii maane yaa na maane
ab to hamako ek hii sapanaa puuraa karanaa hai
janam janam kaa saath tumhaarii maang men bharanaa hai
jis din se tumako jaanaa, hamane qisamat ko maanaa
tumhaaraa hii honaa thaa, tumhaare ho gaye
koii maane yaa na maane
aise na dekho hans kar, hamako kuchh ho jaataa hai
tan par qaabuu rakhate hain to man kho jaataa hai
dil se jab dil milataa hai, to ham se kyaa pardaa hai
jab aankhon hii aankhon men ishaare ho gaye
koii maane yaa na maane
aankhon men dore gaalon pe laalii, honthon pe phuul khile
jitanaa bhii dekhuun dil nahiin bharataa, tum ham khuub mile
ye kaalii kaalii zulfen, ye gorii gorii baahen
kitane saare jiine ke sahaare ho gaye
koii maane yaa na maane