Vo Bhuulii Daastaan, Lo Phir Yaad Aa Gayii Lyrics - Sanjog | Amitabh Bachchan | Mala Sinha | Pradeep Kumar | Lata Mangeshkar

vo bhuulii daastaan lo phir yaad aa ga_ii - 2
nazar ke saamane ghataa sii chhaa gayii - 2
vo bhuulii daastaan lo phir yaad aa gayii
kahaan se phir chale aaye, vo kuchh bhatake hue saaye
vo kuchh bhuule hue nagame, jo mere pyaar ne gaaye
vo kuchh bikharii huii yaaden, vo kuchh tuute hue nagame
paraaye ho gaye to kyaa, kabhii ye bhii to the apane
na jaane inase kyon milakar, nazar sharmaa gayii
vo bhuulii
bade rangiin zamaane the, taraane hii taraane the
magar ab puuchhataa hai dil, vo din the yaa fasaane the
faqat ik yaad hai baakii, bas ik fariyaad hai baakii

vo khushiyaan lut gayii lekin, dil-e-barabaad hai baakii
kahaan thii zindagii merii, kahaan par aa gayii
vo bhuulii
ummiidon ke hansii mele, tamannaaon ke vo rele
nigaahon ne nigaahon se, ajab kuchh khel se khele
havaa men zulf laharaa_ii, nazar pe bekhudii chhaaii
khule the dil ke daravaaze, muhabbat bhii chalii aaii
tamannaaon kii duniyaa par, javaanii chhaa gayii
vo bhuulii
vo bhuulii daastaan lo phir yaad aa gayii - 2
nazar ke saamane ghataa sii chhaa gayii - 2
vo bhuulii daastaan lo phir yaad aa gayii