Tuu Auron Kii Kyon Ho Gayii Lyrics - Ek Bar Muskura Do | Tanuja | Joy Mukherjee | Deb Mukherjee | Kishore Kumar - LyricsTashan

Tuu auron kii kyon ho gayii song is from Ek Bar Muskura Do (1972) and it is sung by Kishore Kumar.It stars Tanuja, Joy Mukherjee and Deb Mukherjee in leading roles. This song is penned by Indeevar (Shyamalal Babu Rai) and composed by O P Nayyar. It is produced by Shomu Mukherjee. This song was released on 04 Aug 1972.

tujhako aaj bataanaa hogaa
kyaa thii vo majabuurii
saath umr bhar kaa denaa thaa
de dii umr bhar kii duurii
kitane atal the tere iraade
yaad to kar tuu vafaa ke vaade
tuune kahaa thaa, khaakar qasamen
sadaa nibhaayenge pyaar kii rasamen
tuu auron kii kyon ho gayii
tuu hamaarii thii, jaan se pyaarii thii
tere liye main ne duniyaa sanvaarii thii
tuu auron kii kyon ho gayii
pyaar kii mastii tuune na chaahii
tuune to chaahaa chaandii kaa pyaalaa
aansuu kisii ke kyaa tuu pahanatii
tujhako pahananii thii motii kii maalaa
ho, tujhako pahananii thii motii kii maalaa
pag pag par vi{sh}vaas ke badale
chhalaa karegii tujhako shankaa
aag ke lapaton men lipatii hai
ye terii sone kii lankaa
tuu auron kii kyon ho gayii

kyaa ye tere sukh ke saadhan
merii yaad ko bhulaa sakenge
merii yaad jab niind udaa degii
kyaa ye tujhako sulaa sakenge
ho, kyaa ye tujhako sulaa sakenge
saadhan men sukh hotaa nahiin hai
sukh jiivan kii ek kalaa hai
mujhase hii chhal kiyaa na tuune
apane ko tuune aap chhalaa hai
tuu auron kii kyon ho gayii
tere liye main laayaa bahaaren
tere liye main jaan pe khelaa
do din bhii tuune raah na dekhii
chhod ke chal dii mujhe akelaa
ho, chhod ke chal dii mujhe akelaa
terii judaa_ii merii chitaa hai
gam ki chitaa men main jal rahaa huun
man meraa dahake maraghat jaisaa
angaaron pe main chal rahaa huun
tuu auron kii kyon ho gayii
tuu hamaarii thii, jaan se pyaarii thii
tere liye main ne duniyaa sanvaarii thii
tuu auron kii kyon ho gayii

DMCA.com Protection Status