Lyrics

phir vohii shaam vahii gam vahii tanahaai hai
dil ko samajhaane terii yaad chalii aai hai
phir tasavvur tere pahaluu men bithaa jaaegaa
phir gayaa vaqt ghadii bhar ko palat aaegaa
dil bahal jaaegaa aakhir ye to saudaai hai
phir vohii shaam
jaane ab tujh se mulaaqaat kabhii ho ke na ho
jo adhuurii rahe vo baat kabhii ho ke na ho
merii manzil terii manzil se bichhad aai hai
phir vohii shaam
phir tere zulf ke rukhasaar kii baaten hongii
hijr kii raat magar pyaar kii baaten hongii
phir muhabbat men tadapane kii qasam khaai hai
phir vohii shaam