Ham Laaye Hain Tuufaan Se Kashtii Nikaal Ke Lyrics - I.S. Johar | Abhi Bhattacharya | Nutan | Mohammad Rafi - LyricsTashan

.It stars I.S. Johar, Abhi Bhattacharya, Nutan, Reena Roy in leading roles. This song is penned by Pradeep and composed by Hemant Kumar. This song was released on 01 Jan 2018.

paase sabhii ulat gae dushman kii chaal ke
akshar sabhii palat gae bhaarat ke bhaal ke
manzil pe aayaa mulk har balaa ko taal ke
sadiyon ke baad phir ude badal gulaal ke
ham laae hain tuufaan se kashtii nikaal ke
is desh ko rakhanaa mere bachchon sambhaal ke
tum hii bhavishhy ho mere bhaarat vishaal ke
is desh ko rakhanaa mere bachchon sambhaal ke
1) dekho kahiin barabaad na hoe ye bagiichaa
isako hriday ke khuun se baapuu ne hai siinchaa
rakkhaa hai ye chiraag shahiidon ne baal ke, is desh ko

2) duniyaa ke daanv pench se rakhanaa na vaastaa
manzil tumhaarii dur hai lambaa hai raastaa
bhatakaa na de koii tumhen dhokhe men daal ke, is desh ko
3) aitam bamon ke jor pe ainthii hai ye duniyaa
baaruud ke ik dher pe baithii hai ye duniyaa
tum har kadam uthaanaa zaraa dekha bhaal ke, is desh ko
4) aaraam kii tum bhuul bhulayyaa men na bhuulo
sapanon ke hindolon pe magan hoke na jhuulo
ab vaqt aa gayaa hai mere hansate hue phuulon
utho chhalaang maar ke aakaash ko chhuu lo
tum gaad do gagan pe tirangaa uchhaal ke, is desh ko