De Dii Hamen Aazaadii Binaa Khadhg Binaa Dhaal Lyrics - I.S. Johar | Abhi Bhattacharya | Nutan | Lata Mangeshkar

de dii hamen aazaadii binaa khadhg binaa dhaal
saabaramatii ke sant tuune kar diyaa kamaal
aandhii men bhii jalatii rahii gaandhii terii mashaal
saabaramatii ke sant tuune kar diyaa kamaal
de dii
dharatii pe ladii tuune ajab dhang kii ladaai
daagii na kahiin top na banduuk chalaai
dushman ke kile par bhii na kii tuune chadhaai
vaah re fakiir khuub karaamaat dikhaai
chutakii men dushmanon ko diyaa desh se nikaal
saabaramatii ke sant tuune kar diyaa kamaal
de dii
raghupati raaghav raajaa raam
shataranj bichhaa kar yahaan baithaa thaa zamaanaa
lagataa thaa mushkil hai firangii ko haraanaa
takkar thii bade zor kii dushman bhii thaa taanaa
par tuu bhii thaa baapuu badaa ustaad puraanaa
maaraa vo kas ke daanv ke ulatii sabhii kii chaal
saabaramatii ke sant tuune kar diyaa kamaal
de dii
raghupati raaghav raajaa raam
jab jab teraa bigul bajaa javaan chal pade
mazaduur chal pade the aur kisaan chal pade

hinduu aur musalamaan, sikh pathaan chal pade
kadamon men terii koti koti praan chal pade
phuulon kii sej chhod ke daude javaaharalaal
saabaramatii ke sant tuune kar diyaa kamaal
de dii
raghupati raaghav raajaa raam
man men thii ahinsaa kii lagan tan pe langotii
laakhon men ghuumataa thaa liye saty kii sontii
vaise to dekhane men thii hastii terii chhotii
lekin tujhe jhukatii thii himaalay kii bhii chotii
duniyaa men bhii baapuu tuu thaa insaan bemisaal
saabaramatii ke sant tuune kar diyaa kamaal
de dii
raghupati raaghav raajaa raam
jag men jiyaa hai koi to baapuu tuu hii jiyaa
tuune vatan kii raah men sab kuchh lutaa diyaa
maangaa na koi takht na koi taaj bhii liyaa
amrit diyaa to thiik magar khud zahar piyaa
jis din terii chitaa jalii, royaa thaa mahaakaal
saabaramatii ke sant tuune kar diyaa kamaal
de dii hamen aazaadii binaa khadg binaa dhaal
saabaramatii ke sant tuune kar diyaa kamaal
raghupati raaghav raajaa raam