Lyrics

(duniyaa banaane vaale, kyaa tere man men samaai
kaaheko duniyaa banaai, tuune kaaheko duniyaa banaai ) - 2
kaahe banaae tuune maatii ke putale,
dharatii ye pyaarii pyaarii mukhade ye ujale
kaahe banaayaa tuune duniyaa kaa khelaa - 2
jisamen lagaayaa javaanii kaa melaa
gup-chup tamaashaa dekhe, vaah re terii khudaai
kaaheko duniyaa banaai, tuune kaaheko duniyaa banaai
tuu bhii to tadapaa hogaa man ko banaakar,
tuufaan ye pyaar kaa man men chhupaakar
koi chhavi to hogii aankhon men terii - 2
aansuu bhii chhalake honge palakon se terii
bol kyaa suujhii tujhako, kaaheko priit jagaai
kaaheko duniyaa banaai, tuune kaaheko duniyaa banaai
priit banaake tuune jiinaa sikhaayaa, hansanaa sikhaayaa,
ronaa sikhaayaa
jiivan ke path par miit milaae - 2
miit milaake tuune sapane jagaae
sapane jagaake tuune, kaahe ko de dii judaai
kaaheko duniyaa banaai, tuune kaaheko duniyaa banaai