Lyrics

bedardii baalamaa tujhako meraa man yaad karataa hai
barasataa hai jo aankhon se vo saavan yaad karataa hai
kabhii ham saath guzare jin sajiilii rahaguzaaron se
fizaa ke bhes men girate hain ab patte chanaaron se
ye raahen yaad karatii hain ye gulashan yaad karataa hai
koii jhonkaa havaa kaa jab meraa aanchal udaataa hai
gumaan hotaa hai jaise tuu meraa daaman hilaataa hai
kabhii chuumaa thaa jo tuune vo daaman yaad karataa hai
vo hii hain jhiil ke mandar vo hii kiranon ki barasaaten
jahaan ham tum kiyaa karate the paharon pyaar kii baaten
tujhe is jhiil kaa kaamosh darapan yaad karataa hai