Lyrics

baag men kalii khilii bagiyaa mahakii par haay re
abhii idhar bhanvaraa nahiin aayaa
raah men nazar bichii bahakii-bahakii aur bevajah
ghadii ghadii ye dil ghabaraayaa haay re
kyon na aayaa, kyon na aayaa, kyon na aayaa
baithe hain ham to aramaan jagaaye
siine men laakhon tuufaan chhupaaye
mat puuchh man ko kaise manaayaa
baag men
sapane jo aaye tadapaake jaaye
dil kii lagii ko dahakaake jaaye
mushkil se ham ne har din bitaayaa
baag men
ik miithii aganii men jalataa hai tan-man
baat aur bigadii aayaa jo saavan
bachapan ganvaake main ne sab kuchh ganvaayaa
baag men