Lyrics

(zindagii ek safar hai suhaanaa
yahaan kal kyaa ho kisane jaanaa ) - 2
(hansate gaate jahaan se guzar
duniyaa kii tuu paravaah na kar ) - 2
muskuraate hue din bitaanaa
yahaan kal kyaa ho kisane jaanaa
haan zindagii ek safar
(maut aanii hai aaegii ik din
jaan jaanii hai jaaegii ik din ) - 2
aisii baaton se kyaa ghabaraanaa
yahaan kal kyaa ho kisane jaanaa
haan zindagii ek safar
(chaand taaron se chalanaa hai aage
aasamaanon se badhanaa hai aage ) - 2
piichhe rah jaaegaa ye zamaanaa
yahaan kal kyaa ho kisane jaanaa
haan zindagii ek safar