Lyrics

zaraa sii baat kaa huzuur ne fasaanaa kar diyaa
aise ruuthe ho ji sainyyaa ki diivaanaa kar diyaa
mukhase na bolii, main to yuun hii zaraa ban ke
itanii sii baat pe jii chal diye tan ke
bas itanii baat kaa huzuur ne fasaanaa kar diyaa
aise ruuthe ho
pyaar men tere aise jiyaa moraa dhadake
kahanii padii hai dil kii baat nazar se
nazar kii baat kaa, huzuur ne fasaanaa kar diyaa
aise ruuthe ho
jab se lagaayii tore pyaar kii bindiyaa
chain dinon kaa khoyaa, raaton kii nindiyaa
mere din raat kaa huzuur ne fasaanaa kar diyaa
aise ruuthe ho