Paise Kii Kahaanii (Kahataa Hai Ise Paisaa) Lyrics - Girl Friend | Waheeda Rehman | Kishore Kumar | Lata Mangeshkar | Hemant Kumar

kahataa hai ise paisaa bachchon
ye chiiz badii maamuulii hai
magar isake piichhe
sab duniyaa rastaa bhuulii hai
inasaan kii banaa_ii chiiz hai ye
magar inasaan pe bhaarii hain
har kisii jhalak is paise kii
dharm aur imaan pe bhaarii hai
ye jhuuth ko sach kar detaa hai
aur sach ko jhuuth banaataa hai
bhagavaan nahiin par har ghar men
bhagavaan kii padavii paataa hai
is paise kii badale duniyaa men
insaanon kii mehanat bikatii hai
jismon kii haraarat bikatii hai
ruuhon kii sharaafat bikatii hai
karadaar khariide jaate hain
diladaar khariide jaate hain
mittii ke sahii par isase hii
avataar khariide jaate hain
is paise ke khaatir duniyaa men
aabaad vatan bik jaate hain
dharatii kii tukade ho jaatii hain
laashon kii kafan ho jaate hain
izzat bhii is se milatii hai
saahiil bhii is se milate hain
tahaziib bhii is se aatii hai
taaliim bhii is se milatii hai
ham aaj tumhen is paise kaa
saaraa itihaas bataate hain
kitane yug aaj tak guzare hain
un sab ke jhalak dikhalaate hain
ik aisaa vaqt bhii thaa jag men
jab is paise kaa naam naa thaa
chiizen chiizon pe tulate the
chiizon kaa kuchh bhii daam naa thaa
chiizon se chiiz badalane kaa
yah dhang bahut bekaar saa thaa
laanaa bhii kathin thaa chiizon kaa
le jaanaa bhii dushavaar saa thaa
inasaan ne tab milakar sochaa
kyon vaqt itanaa barabaad karen
har chiiz kii jo kimat thahare
us chiiz kaa kyon naa iizaad karen
is tarah hamaare duniyaa me

pahalaa paisaa taiyyaar hu_aa
aur is paise kii hasarat men
inasaan zaliil-o-khaar hu_aa
paisevaale is duniyaa men
jaagiiron ke maalik ban baithe
mazaduuron aur kisaanon ke
taqadiir ke maalik ban baithe
jangon men ladaayaa bhuukhon ko
aur apane sar par taaj rakhaa
nidhran ko diyaa paralok kaa sukh
apane liye jag kaa raaj rakhaa
pandit aur mullaa ilk ke li_e
mazahab ke sahii phailaate rahe
shaayar taariifen likhate rahe
gaayak darabaarii gaate rahe
o o o o o
vaisaa hii karenge ham jaisaa tujhe chaahiye
paisaa hamen chaahiye
vaisaa hii karenge ham jaisaa tujhe chaahiye
paisaa hamen chaahiye
haal tere jotenge khet tere boyenge
zor tere haakenge ghot teraa dhoyenge
paisaa paisaa
vaisaa hii karenge ham jaisaa tujhe chaahiye
paisaa hamen chaahiye
paisaa haath men de de raajaa gun tere gaayenge
tere bachche bachchiyon kaa khair manaayenge
vaisaa hii karenge ham jaisaa tujhe chaahiye
paisaa hamen chaahiye
yug yug se aise duniyaa men
ham daan ke tukade maangate hain
hal jot ke fasalen kaat ke bhii
pakavaan ke tukade maangate hain
lekin in bhiikh ke tukadon se
kab bhuukh kaa sankat duur hu_aa
inasaan sadaa dukh jhelegaa
gar khatm bhii yah dastuur hu_aa
bojh banii hai kadamon kii
vah chiiz pahale gahanaa thii
bhaarat ke saputon aaj tumhe
bas itane baat hii kahanaa thii
jis vaqt badaa ho jaaoge tum
paise kaa raaj mitaa denaa
apanaa aur apane jaison kaa
(yug yug kaa karz chukaa denaa) -2