Lyrics

kabhii kaalii ratiyaa, kabhii din suhaane
kismat kii baate to kismat hii jaane
o betaa jii,
are o baabuu jii, kismat kii hava kabhii naram, kabhii garam
kabhii naram-naram, kabhii garam-garam,
kabhii naram-garam naram-garam re
o betaa jii
bade akad se betaa nikale ghar se #actor# hone
vaah rii kismat, vaah rii kismat, kismat men the likhe baratan dhone
are bha_ii likhe baratan dhone
o betaa jii, jiine kaa mazaa kabhii naram, kabhii garam
duniyaa ke is chidiyaa ghar men tarah tarah kaa jalavaa
mile kisii ko suukhii rotii, kisii ko puurii halavaa
are bha_ii kisii ko puurii halavaa
o betaa jii, khichadii kaa mazaa kabhii naram, kabhii garam
dard diyaa to thodaa thodaa, khushii bhii thodii thodii
vaah re maalik, vaah re maalik, duhkh aur sukh kii khuub banaayii jodii
are vaah khuub banaayii jodii
o betaa jii, jiivan kaa nashaa kabhii naram, kabhii garam