Meraa Kuchh Saamaan Tumhaare Paas Padaa Hai Lyrics - Naseeruddin Shah | Rekha | Anuradha Patel | Asha

meraa kuchh saamaan tumhaare paas padaa hai - 2
o o o ! saavan ke kuchh bhiige bhiige din rakhe hain
aur mere ek khat men lipatii raat padii hai
vo raat bhulaa do, meraa vo saamaan lautaa do - 2
meraa kuchh saamaan tumhaare paas padaa hai - 2
patajhad hai kuchh hai naa ?
o ! patajhad men kuchh patton ke girane kii aahat
kaanon men ek baar pahan ke laut aai thii
patajhad kii vo shaakh abhii tak kaanp rahii hai
vo shaakh giraa do, meraa vo saamaan lautaa do - 2
ek akelii chhatarii men jab aadhe aadhe bhiig rahe the - 2
aadhe suukhe aadhe giile, sukhaa to main le aayii thii
giilaa man shaayad bistar ke paas padaa ho !
vo bhijavaa do, meraa vo saamaan lautaa do
ek sau solaa chaand ki raaten ek tumhaare kaandhe kaa til - 2
giilii menhadii ki khushabuu, jhuth-muuth ke shikave kuchh
jhuuth-muuth ke vaade sab yaad karaa duun
sab bhijavaa do, meraa vo saamaan lautaa do - 2
ek ijaazat de do bas, jab isako dafanaauungii
main bhii vahiin so jaauungii
main bhii vahiin so jaauungii