Maat Pitaa Guruu Prabhuu Charanon Men Pranamat Baranbaar Lyrics - Amitabh Bachchan | Sanjeev Kumar | Sunny Deol

maat pitaa guru prabhuu charanon men pranamat barambaar
ham par kiyaa bahut upkaar, ham par kiyaa bahut upkaar
maataa ne jo kashht uthaayaa,
vah rin kabhii na jaaye chukaayaa
ungalii pakad kar chalanaa sikhaayaa
mamataa kii dii shiital chhaayaa,
jinakii godii men palakar ham kahalaate hushiyaar
ham par kiyaa bahut upkaar
pitaa ne hamako yogya banaayaa,
kamaa kamaa kar anna khilaayaa
padhaa likhaa gunavaan banaayaa,
jiivan path par chalanaa sikhaayaa
jod jod apanii sanpatti kaa banaa diyaa hakadaar

ham par kiyaa bahut upkaar
tatva gyaan guru ne darshaayaa,
andhakaar sab duur hataayaa
hriday men bhakti diip jalaakar,
hari darshan kaa maarg bataayaa
bin svaarath ho kripaa karen ve itane bade hain udaar
ham par kiyaa bahut upkaar
prabhu kripaa se nar tan paayaa
sant milan kaa saaj sajaayaa
bal buddhi aur vidyaa dekar
sab jiivon men shreshhth banaaya
jo bhii inakii sharan men aataa, kar detaa uddhaar
ham par kiyaa bahut upkaar