Khat Likh De Saanvariyaa Ke Naam Baabuu Lyrics - Aaye Din Bahar Ke | Dharmendra | Asha Parekh | Balraj Sahni | Asha - LyricsTashan

Khat likh de saanvariyaa ke naam baabuu song is from Aaye Din Bahar Ke (1966) and it is sung by Asha.It stars Dharmendra, Asha Parekh and Balraj Sahni in leading roles. This song is penned by Anand Bakshi and composed by Laxmikant Pyarelal. It is produced by J. Om Prakash. This song was released on 04 Nov 1966.

ab ke baras bhii biit na jaaye
ye saavan kii raaten
dekh le merii ye bechainii
aur likh de do baaten
khat likh de saanvariyaa ke naam baabuu
kore kaagaz pe likh de salaam baabuu
(vo maan jaaenge, pahachaan jaaenge
kaise hotii hai subah se shaam baabuu ) - 2
khat likh de
saare vaade nikale jhuuthe
saamane ho to koii unase ruuthe
le gai bairan shahar piyaa ko
raam kare ki aisii naukarii chhuute
unhen jisane banaayaa gulaam baabuu
kore kaagaz pe likh de salaam baabuu
vo jaan jaaenge, pahachaan jaaenge
kaise hotii hai subah se shaam baabuu

jab aaenge sajanaa mere
khan khan khanakenge kanganaa mere
paas gali men ghar hai mera
us din tu bhi ana anganaa mere
kuchh tujhako main dungi inam babu
kore kagaz pe likh de salam babu
vo jan jaaenge, pahachaan jaaenge
kaise hotii hai subah se shaam baabuu
khat likh de
aur bahut kuchh hai likhavaanaa
kaise bataa duun tujhe tuu begaanaa
sharm se aankhen jhuk jaaengii
dhadak uthegaa moraa dil diivaanaa
bas aage nahiin teraa kaam baabuu
kore kaagaz pe likh de salaam baabuu
vo maan jaaenge, pahachaan jaaenge
kaise hotii hai subah se shaam baabuu
khat likh de

DMCA.com Protection Status