Gaye Dinon Kaa Suraag Lekar Kidhar Se Aayaa Kidhar Gayaa Wo Lyrics - Meraj-E-Ghazal | Asha | Ghulam Ali

gaye dinon kaa suraag lekar kidhar se aayaa kidhar gayaa wo
ajiib maanuus ajanabii thaa mujhe to hairaan kar gayaa wo
wo hijr kii raat kaa sitaaraa wo ham-nafas ham-sukan hamaaraa
sadaa rahe usakaa naam pyaaraa sunaa hai kal raat mar gayaa wo
wo raat kaa be-navaa musaafir wo teraa shaa_ir wo teraa 'naasir'
terii galii tak to hamane dekhaa thaa phir na jaane kidhar gayaa wo
bas ek motii sii chhab dikhaakar bas ek miithii sii dhun sunaakar
sitaaraa-e-shaam ban ke aayaa ba-rang-e-kaab-e-sahar gayaa wo
kushii kii raat ho yaa gam kaa mausam nazar use dhuundhatii hai haradam
wo buu-e-gul thaa ki nagmaa-e-jaan mere to dil men utar gayaa wo
na ab wo yaadon kaa chadhataa dariyaa na fursaton kii hai os barakhaa
yuunhii zaraa sii kasak hai dil men jo zakm gaharaa thaa bhar gayaa wo

kuchh ab sambhalane lagii hai jaan bhii badal chalaa daur-e-aasamaan bhii
jo raat bhaarii thii tal ga_ii hai jo din kadaa thaa guzar gayaa wo
bas ek manzil hai bul-hawas kii hazaar raste hain ahal-e-dil ke
yahii to hai farq mujhamen usamen guzar gayaa main thahar gayaa wo
shikastaa-paa raah men khadaa huun gaye dinon ko bhuulataa huun
jo qaafilaa meraa hamasafar thaa misaal-e-gard-e-safar gayaa wo
meraa to kuun ho gayaa hai paanii sitamagaron kii palak na bhiigii
jo naalaa utthaa thaa raat dil se na jaane kyuun be-asar gayaa wo
wo mayakade ko jagaane waalaa wo raat kii niind udaane waalaa
ye aaj kyaa usake jii men aa_ii ki shaam hote hii ghar gayaa wo
wo jisake shaane pe haath rakh kar safar kiyaa tuune manzilon kaa
terii galii se na jaane kyuun aaj sar jhukaaye guzar gayaa wo