Chhodo Kal Kii Baaten, Kal Kii Baat Puraanii Lyrics - Hum Hindustani | Joy Mukherjee | Helen | Asha Parekh | Mukesh

chhodo kal kii baaten, kal kii baat puraanii
nae daur men likhenge, mil kar na_ii kahaanii
ham hindustaanii, ham hindustaanii
aaj puraanii zanjiiron ko tod chuke hain
kyaa dekhen us manzil ko jo chhod chuke hain
chaand ke dar par jaa pahunchaa hai aaj zamaanaa
nae jagat se ham bhii naataa jod chuke hain
nayaa khuun hai na_ii umangen, ab hai na_ii javaanii
ham ko kitane taajamahal hain aur banaane
kitane hain ajantaa ham ko aur sajaane
abhii palatanaa hai rukh kitane dariyaaon kaa
kitane pavrt raahon se hain aaj hataane
?
aao mehanat ko apanaa iimaan banaaen

apane haathon se apanaa bhagavaan banaaen
raam kii is dharatii ko gautam ki bhuumii ko
sapanon se bhii pyaaraa hindustaan banaaen
?
daag gulaamii kaa dhoyaa hai jaan lutaa ke
diip jalaae hain ye kitane diip bujhaa ke
lii hai aazaadii to phir is aazaadii ko
rakhanaa hogaa har dushman se aaj bachaa ke
?
har zarraa hai motii aankh uthaakar dekho
mittii men sonaa hai haath badhaakar dekho
sone ki ye gangaa hai chaandii kii jamunaa
chaaho to patthar pe dhaan ugaakar dekho
?