Bura Tum Na Maano Lyrics - Inspector | Joy Mukherjee | Helen | Jayant | Asha Bhosle | Mohammed Rafi - LyricsTashan

Bura tum na maano song is from Inspector (1970) and it is sung by Asha Bhosle and Mohammed Rafi.It stars Joy Mukherjee, Helen, Jayant, Kiran kumar in leading roles. This song is penned by Shamsul Huda Bihari (S. H. Bihari) and composed by Datta Naik. It is produced by S. K. Kapur. This song was released on 01 Jan 2018.

Bura tum na maano to ik baat keh doon
Tumhaari adaaon pe dil aa gaya hai
Hai kehna agar to nayi baat kahiye
Yeh sun sun ke dil apna ghabra gaya hai
Bura tum na maano to ik baat keh doon

Bahaaron ka mausam yeh kaali ghataayen
Yeh kehti hain tum ko gale se laga loon
Tumhen aaj main dil ki dhadkan suna kar
Mohabbat ka apni
Deewana bana loon, deewana bana loon
Yeh gaalon pe kaliyon ka maasoom bachpan
Yeh chandan sa mukhda mujhe bhaa gaya hai
Bura tum na maano to ik baat keh doon

Wahi baadalon ke puraane fasaane
Wahi dil ki dhadkan ke jhoothe taraane
Wahi geet sau baar jo sun chuki hoon
Chale ho wahi tum mujhe phir sunaane
Mujhe phir sunaane
Khuda ke liye mera peechha to chhodo
Mera dil muhabbat se ukta gaya hai
Hai kehna agar to nayi baat kahiye

Ye sunsun ke dil apna ghabra gaya hai
Bura tum na maano to ek baat keh doon

Mohabbat se nafrat agar tum karogi
Kahaan le ke jaaogi phir yeh jawaani
Bhala aaina bhi kahaan tak sunega
Tumhaari zubaan se tumhaari kahaani
Tumhaari kahaani
Karo shukr tum mere deewanepan ka
Mohabbat ka jis par nasha chha gaya hai
Bura tum na maano to ek baat keh doon

Bahut hum ne dekhe jawaan aap jaise
Jinhone mohabbat ka kar ke bahaana
Banaaya hamesha nigaahon se apni
Haseenon ke maasoom dil ko nishaana
Dil ko nishaana
Magar main na behkoongi yeh baat sun kar
Zamaana mujhe khoob samjha gaya hai
Bura tum na maano to ek baat keh doon
Tumhaari adaaon pe dil aa gaya hai
Hai kehna agar to nayi baat kahiye
Yeh sun sun ke dil apna ghabra gaya hai
Bura tum na maano to ek baat keh doon.