Apani Aazadi Ko Ham Lyrics - Leader | Dilip Kumar | Vyjayanthimala | Mohammed Rafi - LyricsTashan

Apani aazadi ko ham song is from Leader (1964) and it is sung by Mohammed Rafi.It stars Dilip Kumar and Vyjayanthimala in leading roles. This song is penned by Shakeel Badayuni and composed by Naushad. It is produced by Sashadhar Mukherjee. This song was released on 03 Jan 1964.

Apani aazadi ko ham
Haragiz mitaa sakate nahi
Sar kataa sakate hai lekin
Sar jhukaa sakate nahi

Hamane sadiyo me ye
Aazadi ki nemat paai hai
Saikado qurbaniya
Dekar ye daulat paai hai
Muskaraakar khaai hai
Sino pe apane goliyaan
Kitane viraano se guzare
Hai to jannat paai hai
Kaak me ham apani izzat
Ko milaa sakate nahi
Apani aazadi ko ham
Haragiz mitaa sakate nahi

Kyaa chalegi zulm ki
Ahale wafaa ke saamane
Aa nahi sakta koi
Sholaa hawa ke saamane
Laakh fauje le ke aai
Aman kaa dushman koi
Ruk nahi sakta hamaari
Ekta ke saamane
Ham wo patthar hai jise
Dushman hilaa sakate nahi
Apani aazadi ko ham

Haragiz mitaa sakate nahi
Sar kataa sakate hai lekin
Sar jhukaa sakate nahi

Waqt ki aavaj ke ham
Saath chalate jaaege
Har qadam par zindagi
Kaa ruk badalate jaaege
Gar vatan me bhi milegaa
Koi gaddaar e vatan
Apani taaqat se ham
Us ka sar kuchalate jaaege
Ek dhokhaa khaa chuke
Hai aur khaa sakate nahi
Apani aazadi ko ham
Haragiz mitaa sakate nahi

Hum vatan ke nojavaan hai
Hum se jo takaraayega
Wo humari thokaro se
Khaak me mil jaayega
Waqt ke tufaan me beh
Jaayenge julmo sitam
Aasmaan par ye tirangaa
Umra bhar leharaayega
Jo sabak baapu ne
Sikhalaya wo bhula sakte nahi
Sar kataa sakate hai lekin
Sar jhukaa sakate nahi.

DMCA.com Protection Status