Lyrics

bahaaren bech daalii, phuunk daalaa aashiyaane ko
zaraa sii raakh rakh dii, bevafaa tere dikhaane ko
ai pyaar terii duniyaa se ham bas itanii nishaanii leke chale
ek tuuta hua dil saath rahaa, ek rotii javaanii leke chale
aa_e the bade aramaan liye, siine men ka_ii tuufaan liye
anjaam ye hai, siine men dabii ek gam kii kahaanii leke chale
ae pyaar terii duniyaa se ham
do din kii muhabbat men aakhir, ham terii galii se kyaa lete
itanii bhii navaazish hai terii, aankhon men ye paanii leke chale
ae pyaar terii duniyaa se ham