Lyrics

vo jo ham men tum men qaraar thaa tumhen yaad ho ke na yaad ho
vahii vaadaa yaani nibaah kaa, tumhen yaad ho ke na yaad ho
vo naye gile voh shiqaayaten, vo maze maze kii hiqaayaten
vo har ek baat pe ruuthana tumhen yaad ho ke na yaad ho
kabhii hum men tum men bhii chaah thii, kabhii hum men tum men bhi raah thii
kabhii hum bhii tum bhii the aashanaa, tumhen yaad ho ke na yaad ho
vo jo lutf mujh se the peshatar, vo qaram kii thaa mere haal par
mujhe sab hai yaad zarraa-zarraa, tumhen yaad ho ke na yaad ho
koii baat aisii agar huii, jo tumhaarii jii ko burii lagii
to bayaan se pahale hii bolanaa, tumhen yaad ho ke na yaad ho
jise aap ginate the aashanaa, jise aap kahate the baafaa
main vahii huun momin-e-mubtalaa, tumhen yaad ho ke na yaad ho