Lyrics

ek zaraa dil ke kariib aao to kuchh chain pade
jaam ko jaam se takaraao to kuchh chain pade
dil ulajhataa hai nagamaa-o-may rangiin sunakar
giit ek dadr bharaa gaao to kuchh chain pade
baithe baithe to har mauj se dil dahalegaa
badhake tuufaan se takaraao to kuchh chain pade
daag ke sher javaanii men bhale lagate hain
mir kii koii gazal gaao to kuchh chain pade
yaad-e-ayyaa men guzishtaan se ijaazat lekar
'tarz' kuchh der ko so jaao to kuchh chain pade