Ab To Yahii Hain Dil Kii Du_Aa_En Lyrics - Begum Akhtar

ab to yahii hain dil kii du_aa_en
bhuulane waale bhuul hii jaayen
wajah-e-sitam kuchh ho to bataayen
ek mohabbat laakh kataayen
dard-e-mohabbat dil men chhupaayaa
aankh ke aansuu kaise chhupaayen
hosh aur unakii diid kaa daawaa

dekhane waale hosh men aayen
dil kii tabaahii bhuule nahiin ham
dete hain ab tak unako du_aa_en
rang-e-zamaanaa dekhane waale
unakii nazar bhii dekhate jaayen
shagal-e-mohabbat ab hai ye 'taskiin'
sher kahen aur jii bahalaayen