Pyaar kii pyaas kyaa dharatii aur kyaa aakaash song is from and it is sung by and .It stars , , , in leading roles. This song is penned by and composed by . It is produced by Mahesh Kaul. This song was released on 01 Jan 2018.
pyaar kii pyaas pyaar kii pyaas
kyaa dharatii aur kyaa aakaash sabako pyaar kii pyaas
pyaar kii pyaas pyaar kii pyaas
saritaa ko saagar kii pyaas
saagar men laharon kaa vaas
laharen uth-uth jaanaa chaahen
puunam ke chandaa ke paas
man se man ko har jiivan ko -2
ek aas vishvaas
pyaar kii pyaas pyaar kii pyaas
pahalii kiran ko chhuukar ke
phuul chaman kaa khil jaataa hai
ek pyaar ke chumban se
jad patthar bhii hil jaataa hai
jug-jug ke pyaase chaatak ko -2
ek buund kii aas
pyaar kii pyaas pyaar kii pyaas
laakhon taaron kii aankhen
raat ko bhar-bhar aatii hain
bhor bha_e to kaliyon par
shabanam jhar-jhar jaatii hai
praan kaa patajhad pal-pal dhuundhe -2
jiivan kaa madhumaas
pyaar kii pyaas pyaar kii pyaas
pyaasaa-pyaasaa jag saaraa
pyaasii jag kii har dhaaraa
mahaa pyaar kii pyaas li_e
pyaasaa khud srijanahaaraa
pyaas kii dharatii par iishvar ne -2
likhaa srishti itihaas
pyaar kii pyaas pyaar kii pyaas