Merii Mittii Kii Duniyaa Niraalii Lyrics - Sham Savera | Wasti | Sulochana Chaterjee | Rafiq Ghaznavi | S D Batish

merii mittii kii duniyaa niraalii
oaa jahaan bhagawaan basen
## part one - sung by rafiq ghaznavi ##
phuulon se rang churaayaa
kaanton se dard milaayaa
komal saa pankhadiyon se
belon ne pyaar sidhaayaa
main huun sundaraban kaa maalii
oaa jahaan bhagawaan basen
hiranon ne aankhen pheriin
moron ne naach sikhaayaa
madh bharii koyal kii kuu kuu
pii pii papiihaa ne gayaa
ban ke panchhii kii umadaa nishaanii
oaa jahaan bhagawaan basen
gurbon kaa saath jahaan hai
pariyon kaa naach jahaan hai

sundar taanon kaa rasiilaa
prem kaa giit jahaan hai
main ne jaaduu kii nagarii basaa lii
oaa jahaan bhagawaan basen
## part two - sung by s d batish ##
hon jahaan chaandanii raaten
pyaar-o-muhabbat kii ghaaten
sundar sunaharaa jiivan ho
kyuun na hon pyaar kii baaten
tuu ne gangaa kii nadiyaa bahaalii
oaa jahaan bhagawaan basen
jiivan men thaa jo andheraa
kiranon ne kiyaa saveraa
khilaa kamal hai suhaanaa
swarg banaa ghar teraa
tuu ne priit nagariyaa basaalii
oaa jahaan bhagawaan basen