Lyrics

khulii jo aankh to wo thaa na wo zamaanaa thaa
dahakatii aag thii tanhaa_ii thii fasaanaa thaa
gamon ne baant liyaa hai mujhe yuun aapas men
ki jaise main ko_ii luutaa hu_aa kazaanaa thaa
judaa hai shaak se gul-rut se aashiyaane se
kalii kaa jurm ghadii bhar kaa muskuraanaa thaa
ye kyaa ki chand hii qadamon men thak ke baith gaye
tumhen to saath meraa duur tak nibhaanaa thaa
mujhe jo mere lahuu men dabo ke guzaraa hai
wo ko_ii gair nahiin yaar ek puraanaa thaa
kud apane haath se 'shahazaad' usako kaat diyaa
ki jis darakt kii tahanii pe aashiyaanaa thaa