Ek Savaal Main Karuun Ek Savaal Tum Karo Lyrics - Sasural | Rajendra Kumar | B Saroja Devi | Saroja Devi | Lata Mangeshkar | Mohammad Rafi - LyricsTashan

Ek savaal main karuun ek savaal tum karo song is from Sasural (1961) and it is sung by Lata Mangeshkar and Mohammad Rafi.It stars Rajendra Kumar, B Saroja Devi and Saroja Devi in leading roles. This song is penned by Shailendra (Shankardas Kesarilal) and composed by Shankar-Jaikishan. It is produced by L. V. Prasad. This song was released on 01 Jan 1961.

ek savaal main karuun ek savaal tum karo
har savaal kaa savaal hii javaab ho
ek savaal main karuun
pyaar kii belaa saath sajan kaa phir kyon dil ghabaraaye
na_iihar se ghar jaatii dulhan kyon nainaa chhalakaaye
hai maaluum ki jaanaa hogaa, duniyaan ek saraay
phir kyon jaate vaqt musaafir roye aur rulaaye
- phir kyon jaate vaqt musaafir roye aur rulaaye!
ek savaal main karuun
chaand ke maathe daag hai phir bhii chaand ko laaj na aaye
usakaa ghatataa badhataa cheharaa kyon sundar kahalaaye

kaajal se nainon kii shobhaa kyon dugunii ho jaaye
gore gore gaal pe kaalaa til kyon man ko bhaaye
- gore gore gaal pe kaalaa til kyon man ko bhaaye
ek savaal main karuun
gaa gaa gaa re gaa re
ujiyaare men jo parachhaa_ii piichhe piichhe aaye
vahii andheraa hone par kyon saath chhod chhup jaaye
sukh men kyon ghere rahate hain apane aur paraaye
burii ghadii men kyon har koii dekh ke bhii qataraaye
- burii ghadii men kyon har koii dekh ke bhii qataraaye
ek savaal main karuun