Lyrics

duniyaa men sabhii chehare lagate to hain pahachaane
kyon phir bhii hain anajaane ye baat vahii jaane
duniyaa isii kaa naam hai duniyaa isii ko kahate hain
apane hii apanon se yahaan begaane jaise rahate hain
duniyaa isii kaa naam
jo ham chaahen jo tum chaaho vo kab hotaa hai duniyaa men
muqaddar ke ishaaron pe ye sab hotaa hai duniyaa men
ye sab hotaa hai duniyaa men
duniyaa isii kaa naam
kabhii us mod par luutaa gayaa hai kaaravaan dil kaa
jahaan se do qadam hii faasalaa baaqii thaa manzil kaa
yahaan kahatii hai kaamoshii hazaaron gam ke afasaane
magar isii baat kaa matalab ko_ii bedard kyaa jaane
duniyaa isii kaa naam