Daa_Im Padaa Huaa Tere Dar Par Nahiin Huun Main Lyrics - Non-Film | Saigal | Non

daa_im padaa huaa tere dar par nahiin huun main
kaaq aisii zindagii pe, ki patthar nahiin huun main
kyon gadrish-e-mudaam se ghabaraa na jaaye dil
insaan huun, pyaalaa-o-saagar nahiin huun main
yaa rab zamaanaa mujhako mitaataa hai kis liye
lauh-e-jahaan pe hafr-e-muqarrar nahiin huun main
had chaahiye sazaa men aquubat ke vaaste
aakhir gunaah_gaar huun qaafir nahiin huun main

kis vaaste aziiz nahiin jaanate mujhe
laal-o-zamurrad-o-zar-o-gauhar nahiin huun main
rakhate ho tum qadam merii aankhon se kyon direg
rutabe men mahar-o-maah se kamatar nahiin huun main
karate ho mujhako man-e-qadam baase kis liye
kyaa aasamaan ke bhii baraabar nahiin huun main
gaalib vaziifaakvaar ho, do shaah ko duaa
vo din gaye ki kahate the, naukar nahiin huun main