Apanon Ke Sitam Ham Se Bataa_E Nahiin Jaate Lyrics - Begum Akhtar

apanon ke sitam ham se bataa_e nahiin jaate
ye haadase vo hain jo sunaa_e nahiin jaate
kuchh kam hii t'alluk hai muhabbat kaa junuun se
diiwaane to hote hain banaa_e nahiin jaate

ik umr kii koshish se bhulaa dii hai terii yaad
lekin abhii tak yaad ke saaye nahiin jaate
pyaalon men ho zaharaab ki kuchh aur ho 'faakir'
ab hothon se waapas to ye laa_e nahiin jaate