Lyrics

aashiyaan jal gayaa gul_sitaan lut gayaa
ab qafas se nikal kar kidhar jaayenge
kitane maanuus saiyaad se ho gaye
ab rihaa_ii milegii to mar jaayenge
aashiyaan jal gayaa
kaale kaale vo gesuu shikan-dar-shikan
vo tabassum kaa aalam, chaman-darchaman
khiinch lii un kii tasaviir dil ne mere
ab vo daaman bachaa kar kidhar jaayenge
aashiyaan jal gayaa
aur kuchh din ye dastuur-e--maikaanaa hai
tashnaqaamii ke ye din guzar jaayenge
mere saaqii ko nazaren uthaane to do
jitane khaalii hain sab jaam bhar jaayenge
aashiyaan jal gayaa
ashq-e-gam le ke aakir kahaan jaayen ham
aansuon kii yahaan koii qiimat nahiin
aap hii apanaa daaman badhaa diijiye
varanaa motii zamiin par bikhar jaayenge
aashiyaan jal gayaa
ai nasiim-e-sahar tujh ko un kii qasam
un se jaa kar na kahanaa meraa haal-e-gam
mere mitane kaa dar to nahiin hai mujhe
dar ye hai un ke gesuu bikhar jaayenge
aashiyaan jal gayaa