Lyrics

aaj ham apanii duaaon kaa asar dekhenge
tir-e-nazar dekhenge, zakhm-e-jigar dekhenge (2)
aap to aankh milaate hue sharamaate hain,
aap to dil ke dhadakane se bhii dar jaate hain
phir bhii ye ziddh hai ke ham zakhm-e-jigar dekhenge,
tir-e-nazar dekhenge, zakhm-e-jigar dekhenge (2)
pyaar karanaa dil-e-betaab buraa hotaa hai
sunate aaye hain ke ye khvaab buraa hotaa hai
aaj is kvaab kii taabiir magar dekhenge
tir-e-nazar dekhenge, zakhm-e-jigar dekhenge (2)
jaanalevaa hai muhabbat kaa samaa aaj kii raat
shamaa ho jayegii jal jal ke dhunaa aaj kii raat
aaj ki raat bachenge to sahar dekhenge (2)
tir-e-nazar dekhenge, zakhm-e-jigar dekhenge (2)