ye maujezaa bhii muhabbat kabhii dikhaaye mujhe Lyrics - Mehdi Hasan

ye maujezaa bhii muhabbat kabhii dikhaaye mujhe
ke sang tujhape gire aur zakm aaye mujhe
wo meraa dost hai saare jahaan ko hai maaluum
dagaa kare wo kisii se to sharm aaye mujhe
wohii to sabase ziyaadaa hai nuktaa-chiin meraa
jo muskuraa ke hameshaa gale lagaaye mujhe
wo meharabaan hai to iqaraar kyuun nahiin karataa
wo bad-gumaan hai to sau baar aazamaaye mujhe
main apanii zaat men niilaam ho rahaa huun 'qatiil'
gam-e-hayaat se kah do kariid laaye mujhe