Ye Kaun Chitrakaar Hai Ye Kaun Chitrakaar Lyrics - Boond Jo Ban Gaye Moti | Mumtaz | Jeetendra | Mukesh - LyricsTashan

Ye kaun chitrakaar hai ye kaun chitrakaar song is from Boond Jo Ban Gaye Moti (1967) and it is sung by Mukesh.It stars Mumtaz and Jeetendra in leading roles. This song is penned by Bharat Vyas and composed by Satish Bhatia. It is produced by V. Shantaram. This song was released on 16 Oct 1967.

ye kaun chitrakaar hai ye kaun chitrakaar
harii bharii vasundharaa par niilaa niilaa ye gagan
ke jisape baadalon kii paalakii udaa rahaa pavan
dishaaen dekho rang bharii
dishaaen dekho rang bharii chamak rahiin umang bharii
ye kisane phuul phuul se kiyaa shrringaar hai
ye kaun chitrakaar hai ye kaun chitrakaar
kudarat kii is pavitrataa ko tum nihaar lo
inake gunon ko apane man men tum utaar lo
chamakaa do aaj laalimaa
chamakaa do aaj laalimaa apane lalaat kii

kan kan se jhanakatii tumhiin chhabii viraat kii
apanii to aankh ek hai, isakii hazaar hai
ye kaun chitrakaar hai ye kaun chitrakaar
tapasviyon sii hain atal ye pavarton ki chotiyaan
ye barf ki ghumaradaar gheradaar ghaatiyaan
dhvajaa se ye khade hue
dhvajaa se ye khade hue hain vriksha devadaar ke
galiiche ye gulaab ke bagiiche ye bahaar ke
ye kis kavi ki kalpanaa
ye kis kavi ki kalpanaa kaa chamatkaar hai
ye kaun chitrakaar hai ye kaun chitrakaar