Tere Bachapan Ko Javaanii Kii Duaa Detii Huun Lyrics - Mujhe Jeene Do | Waheeda Rehman | Nirupa Roy | Sunil Dutt | Lata Mangeshkar

tere bachapan ko javaanii kii duaa detii huun
aur duaa deke pareshaan sii ho jaatii huun
mere munne mere gulazaar ke nanhe paudhe
tujhako haalat kii aandhii se bachaane ke liye
aaj main pyaar ke aanchal men chhupaa letii huun
kal ye kamazor sahaaraa bhii na haasil hogaa
kal tujhe kaanton bharii raahon pe chalanaa hogaa
zindagaanii kii kadii dhuup men jalanaa hogaa
tere bachapan ko javaanii
tere maathe pe sharaafat kii koi mohar nahiin
chand hote hain muhabbat ke sukuun hii kyaa hain
jaise maaon kii muhabbat kaa koi mol nahiin

mere maasuum farishte tuu abhii kyaa jaane
tujhako kis-kisakii gunaahon kii sazaa milanii hai
diin aur dharm ke maare hue insaanon kii
jo nazar milanii hai tujhako vo khafaa milanii hai
tere bachapan ko javaanii
bediyaan leke lapakataa huaa kaanuun kaa haath
tere maan-baap se jab tujhako milii ye saugaat
kaun laaegaa tere vaaste khushiyon kii baaraat
mere bachche tere anjaam se jii darataa hai
terii dushman hii na saabit ho javaanii terii
khaak jaatii hai jise sochake mamataa merii
usii anjaam ko pahunche na kahaanii terii
tere bachapan ko javaanii