Suno Suno Ai Duniyaa Vaalon Baapuu Kii Ye Amar Kahaanii Lyrics - Non-Film | Saigal | Non

suno suno ai duniyaa vaalon baapuu kii ye amar kahaanii
vah baapuu jo puujya hai itanaa jitanaa gngaa maan kaa paanii
porbandar gujaraat desh men ek rrishhii ne janm liya
1
bachapan khel kuud men gujaraa landan jaakar vidyaa paaii
bairistar ban afriikaa men jaakar apanii dhaak jamaaii
lekin jo praanii duniyaa men amar kahaane aate hai
vo kab maayaa moha men phas kar apanaa samay mangavaate hai
suno suno
2
afriikaa men hindii jan kii badii durdashaa paa_ii
gore raaj se takkar lekar satya kii jyotii jalaa_ii
phir bhaarat kii sevaa karane apane desh men aayaa
saabaramatii men satyaagrah kaa aashram aan banaayaa
aur khilaafat kaanfrens men sabhaapati kaa darjaa paayaa
islaamii adhikaar kii rakshaa men bhii haath bataayaa
hinduu muslim donon usakii aankhon ke taare the
duniyaa ke saare hii mazahab baapuu ko pyaare the
suno suno
3
bhaarat kaumii kaangres kii aisii dhuuma machaa_ii
kaumii jhande ke niiche phir janataa daudii aa_ii
khaadii kaa prachaar kiyaa phir ghar ghar khaadii aa_ii
aur videshii maal kii holii gaandhii ne jalavaayii
charakh kii aavaaz jo guunjii, huii mashiinen thandii
aur shaan se laharaaii, bhaarat kii tirangii jhandii
4
phir puurna svaraajya kaa naaraa jaa laahora pukaaraa
aazaadii kaa viir sipaahii kabhii na himmat haaraa
phir daandii par jaa kar aapane haatho namak banaayaa
saur desh ko styagrah kaa sundar sabak padhaayaa
bhaaraatavaasii japate the phir gaandhii naam kii maalaa
chaaliis karod dilon pe chhaayaa ek langotii vaalaa
suno suno
5
sachchaa_ii kaa atal pujaarii jisane kabhii na himmat haarii
sarakaarii kaanuun tod kar duniyaa ke aaraam chhod kar
desh ke khaatir jel gayaa aur apane sukh par khel gayaa
suno suno
6
harijanon kaa maan badhaane kii khaatir vrata rakhaa
gaandhii ne duniyaa ke aage eka nayaa mat rakhaa
gaanv gaanv men harijaanon kii haalat dekhii bhaalii
haarijan naam se hari sevak ne ik akhabaar nikaalii
kaangresa kii baagadora phir viir javaahar ko de kar
shuruu kiyaa baapuu ne aapanaa graam sudhaar kaa chakkar
suno suno

7
ek na_ii aavaaz jo aa_ii shuruu hu_ii ek na_ii ladaa_ii
guunjaa phir baapuu kaa naaraa chhodo hindustaan hamaaraa
phira aa_ii ik jel yaatraa jelon se kab darataa thaa vo
aazaadii kaa paravaanaa thaa aazaadii para marataa thaa vo
suno suno
8
jel ke andar honii ne phir apanaa tiir chalaayaa
baapuu jii kii ardhdaanganii ko ant samay bulaavaa aayaa
jel ke andar khaamoshii se devii kii chitaa jalaa_ii
janataa aapanii maan ke antim darshan bhii karane naa paa_ii
suno suno
9
hinduu muslim ke siino men phira bhadakii nafarat kii jvaalaa
jis ko dekh kar dukhii huvaa kuraan aur giitaa kaa matavaalaa
navaakhalii men khuun kii holii haivaanon ne khelii
dayaa kii muurat baapuu se ye piidaa ga_ii na jhelii
tan pe langotii haath me dandaa honthon pe thii prem kii baanii
nagar-nagar paidal phirataa thaa assii saal kaa buudhaa praanii
san saintaaliis pandrah agast ko aazaadii kaa din jab aayaa
apane desh men apanaa jhandaa dhuum-dhaam se laharaayaa
lekin us din pyaaraa baapuu bhaarat kaa ujiyaalaa baapuu
duur dillii se navaakhalii men kamazorii kii rakhavaalii men
apanii jaan ladaaye thaa aur apanaa aap chhupaa_e thaa
suno suno
10
kalakatte se dillii aa kar us nagarii kaa maan badhaayaa
saanjha savere raam naam kaa biralaa ghaar men diyaa jalaayaa
raghupati raaghava raajaa raam iishvar allaah tere nam
baapuu kaa aadhaar yahii thaa baapuu kaa prachaar yahii thaa
suno suno
11
tiisa janavarii shaam ko baapuu biralaa ghar se baahar aaye
praarthanaa sthaan kii jaanib dhiire-dhiire kadam badhaaye
lekin us din honii apanaa ruup badal kar aa_ii
aur ahinsaa ke siine par hinsaa ne golii barasaa_ii
baapuu ne kahaa raam-raam aur jag se kiyaa kinaaraa
raam ke mandir men jaa pahunchaa shriiraam kaa pyaaraa
jaa_o baapuu jaa_o baapuu rahegaa naam tumhaaraa
baapuu tum ne praan diyaa aur maut kii shaan badhaa_ii
tum ne aapanaa khuun diyaa aur prem kii jyoti jalaa_ii
jay baapuu kii jaya gaandhii kii bolo sab jan jay gaandhii
jis ne hinduu muslim men ik dor pyaar kii baandhii
yaad rahe baapuu kii kahaanii bhuul na isako jaa_e ham
baapuu ne jo diyaa jalaayaa usakii jyoti badhaa_en ham
jay baapuu kii jay gaandhii kii bolo sab jan jay gaandhii
jay gaandhii jay gaandhii jay gaandhii jay gaandhii
suno suno