साई चालीसा Sai Chalisa Lyrics - Raja Pandit | Harish Gwala

Anant koti brahmand nayak rajadhiraj
Yogiraj parbrahm shree sachchidananda
Sadguru sainath maharaj ki jai

Pehle sai ke charano mein apna shish namau mein
Pehle sai ke charano mein apna shish namau mein
Kaise shirdi sai aaye sara haal sunau mein
Kaun he mata pita kaun he yah na kisi ne bhi jana
Kaha janam sai ne dhara prashn paheli raha bana
Koi kahe ayodhya ke ye ramchandra bhagavan hai
Koi kehta saibaba pavan-putra hanuman hai
Pavan-putra hanuman hai

Koi kehta mangal murti shri gajanan hai sai
Shri gajanan hai sai..shri gajanan hai sai..
Koi kehta gokul-mohan devaki nandan hai sai
Devaki nandan hai sai
Shankar samjh bhagat kayi to baba ko bhajte rehte
Baba ko bhajte rehte..baba ko bhajte rehte..
Koi keh avatar datt ka puja sai ki karte
Puja sai ki karte
Kuch bhi mano unko tum par sai hai sache bhagvan
Bade dayalu denbandhu kitano ko diya hai jivan daan
Kitano ko diya hai jivan daan

Kai varsh pehle ki ghatna tumhe sunaunga mein baat
Kisi bhagyashali ki shirdi mein aai thi baraat
Aaya saath usi ke tha balak ek bahut sundar
Aaya aakar wahi bas gaya paavan shirdi kiya nagar
Paavan shirdi kiya nagar

Kai dino tak raha bhatkata bhiksha maangi usne dar-dar
Aur dikhai aisi leela jag me jo ho gayi amar
Jag me jo ho gayi amar
Jaise-jaise umar badhi badhati hi vaise gayi shaan
Ghar-ghar hone laga nagar me sai baba ka gungaan
Sai baba ka gungaan
Dig-digant me laga gunjane phir to sai ji ka naam
Deen-dukhi ki rakhsha karna yahi raha baba ka kaam
Yahi raha baba ka kaam
Baba ke charno me jakar jo kahta mein hu nirdhan
Daya usi par hoti unki khul jate dukh ke bandhan
Khul jate dukh ke bandhan

Kabhi kisi ne maangi bhiksha do baba mujh ko santaan
Evam astu kehakar sai dete the usko vardaan
Dete the usko vardaan
Svayam dukhi baba ho jaate deen-dukhijan ka lakh haal
Antahkaran shri sai ka sagar jaisa raha vishal
Sagar jaisa raha vishal

Bhakt ek madraasi aaya ghar ka bahut bada dhanvan
Maal khajana behad uska keval nahi rahi santaan
Laga manane sai naath ko baba mujh par daya karo
Jhanjha se jhankrit naiya ko tum hi mera paar karo
Kuldeepak ke bina andhera chhaya hua hai ghar mein mere
Is liye aaya hun baba ho kar sarnagat tore

Kuldeepak ke abhaav mein vyarth hai daulat ki maaya
Aaj bhikhari ban kar baba sharan tumhari main aaya
De do mujhko putar daan mein rini rahunga jivan bhar
Aur kisi ka aas na mujhko sirf bharosa hai tum par
Anunae-vinae bahut ki usne charno mein dharke shish
Tab parsan hokar baba ne diya bhagat ko yah aashish

‘alla bhala karega tera’ putra janam ho tere ghar
Krapa rahegi tum par meri aur tere us baalak par
Aur tere us baalak par

Ab tak nahi kisi ne paaya sai ki kripa ka paar
Putra ratan de madrasi ko dhany kiya uska sansaar
Tan-man se jo bhaje usi ka jag mein hota hai uddhar
Sach ko aanch nahi hai koi sada jhooth ki hoti haar
Mein hu sada sahaare uske sada rahunga usaka daas
Sai jaisa prabhu mila hai itni hi kam hai kya aas

Mera bhi din tha ek aisa milti nahi mujhe bhi roti
Tan par kapda dur raha tha shesh rahi nanhi si langoti
Sarita sammukh hone par bhi mein pyaasa ka pyaasa tha
Durdin mera mere upar daavagni barasata tha
Dharti ke atirikt jagat mein mera kuch avalamb na tha
Bana bhikhaari main duniya mein dar-dar thokar khata tha

Aise me ek mitar mila jo param bhagat sai ka tha
Janjalo se mukt magar is jagati mein mujh jaisa tha
Baba ke darshan ki khaatir mil kar dono ne kiya vichaar
Sai jaise dayamurti ke darshan ko ho gaye taiyar
Paavan shirdi nagari mein jakar dekhi matvali murti
Dhane janam ho gaya ki hamne jab dekhi sai ki surat
Jab se kiye hai darshan hamne dukh saara kafur ho gaya
Sankat sare mite aur vipadao ka ant ho gaya
Maan aur samman mila bhiksha mein hamko baba se
Pratibimbit ho uthe jagat mein hum sai ki abhe se
Baba ne sammaan diya hai maan diya is jivan mein
Isaka hi sambal le main hansata jaaunga jivan mein
Hansata jaaunga jivan mein

Sai ki leela ka mere man par aisa asar hua
Lagta jagati ke kan-kan mein jaise ho woh bhara hua
Lagta jagati ke kan-kan mein jaise ho woh bhara hua
Kashiram baba ka bhagat is shirdi me rehata tha
Mein sai ka sai mera vah duniya se kahata tha
Sikar svayam vastra bechta gram nagar baajaro mein
Jhankrit usaki hrid tantri thi sai ki jhankaro se
Stabdh nisha thi the soye rajani aanchal mein chand –sitare
Nahi sujhata raha hath ko haath timir ke mare
Vastra bechkar laut raha tha hay haat se kashi
Vichitra bada sanyog ki us din aata tha woh ekaaki
Gher raah me khade ho gaye use kutil anyaayi
Maro kato luto iski hi dhvani padi sunai
Loot piit kar use vahan se kutil ho gaye champat
Aaghato se marmahat ho usne di sangya akho
Bahut der tak pada reha vah vahi usi haalat mein
Jaane kab kuch hosh ho utha usko kisi palak mein
Anjane hi uske muh se nikal pada tha sai
Jiski pratidhvani shirdi me baba ko padi sunaai

Kshubdh utha ho manas unka baba gaye vikal ho
Lagta jaise ghatna sari ghati unhi ke sammukh ho
Unmadi se idhar-udhar tab baba lage bhatakane
Sammukh chije jo bhi aai unko lage patkane
Aur dhadhkate angaro mein baba ne kar dala
Huye sashankit sabhi vaha lakh tandav nritya nirala

Samjh gye sab log ki koi bhagat pada sankat mein

Kshubhit khade the sabhi wahan par pade huye vismae me
Use bachane ke hi khatir baba aaj vikal hai
Uski hi piida se piidit unka antahsthal hai
Itne mein hi vidhi ne apni vichitrata dikhlai
Dekhkh kar jisko janta ki shradha sarita lahrai
Shradha sarita lahrai

Lekar sangyahin bhagat ko gadi ek wahan aai
Samukh apne dekh bhagat ko sai ki aankhe bhar aai
Shant dhir gambhir sindhu sa baba ka antahsthal
Aaj na jane kyun reh-reh kar ho jata tha chanchal
Aaj daya ki murti svayam tha bana hua upachari
Aur bhagat ke liye aaj tha dev bana pratihari
Aaj bhakt ki visham pariksha me safal hua tha kashi
Uske hi darshan ke khatir the umade nagar-nivasi
Jab bhi aur jaha bhi koi bhagat pade sankat mein
Uski rakhsha karne baba jate hai palbhar mein
Yug-yug ka hai sathi yah nahi koi nai kahani
Aapatgrast bhagat jab hota aate khud antaryami

Bhed-bhav se pare pujaari manavata ke the sai
Jitne pyare hindu-muslim utne hi the sikh isai
Bhed-bhav mandir-masjid ka tod-phod baba ne dala
Ram-rahim sabhi unke the krishna-karim-allatala
Ghante ki pratidvani se gunja masjid ka konaa-konaa
Mile paraspar hindu-muslim pyaar badha din-duna
Chamatkar tha kitna sundar parichae is kaya ne di
Aur neem kadvahat mein bhi mithas baba ne bhar di
Sabko sneh diya sai ne sabko santul pyar diya
Jo kuch jisne bhi chaha baba ne unko wahi diya
Aise sneh shil bhajan ka naam sada jo japa kare
Parvat jaisa dukh na kyu ho palbhar mein wah dur tare
Sai jaisa data hamne are nahi dekha koi
Jiske keval darshan se hi saari vipada dur ho gayi
Tan mein sai man mein sai sai-sai bhaja karo
Apne tan ki sudhi-budhi khokar sudhi uski tum kiya karo
Jab tu apni sudhi taj kar baba ki sudhi kiya karega
Aur raat-din baba baba hi tu rata karega
Baba hi tu rata karega..baba hi tu rata karega..

To baba ko are vivash ho sudhi teri leni hi hogi
Teri har ichchha baba ko puri hi karni hogi
Jangal-jangal bhatak na pagal aur dhundhane babako
Ek jagah keval shirdi mein tu payega baba ko
Dhane jagat mein prani hai wah jisne baba ko paya
Dukh mein sukh mein parhar aath ho sai ka hi gun gaya
Gire sankato ke parvat chahe bijali hi toot pade
Sai ka le naam sada tum sammukh sab ke raho ade
Is budhe ki sun karamat tum ho jaoge hairan
Dang rah gaye sunkar jisko jane kitane chatur sujan

Ek baar shirdi mein saadhu dhongi tha koi aaya
Bholi-bhali nagar-nivasi janta ko tha bharmaya
Jadi-butiya unhe dikhakar karne laga wahan bhashan
Kahne laga suno shrotagan ghar mera hai vrindavan
Aushadhi mere paas ek hai aur jab isme shakti
Iske sevan karne se hi ho jaati dukh se mukti
Agar mukt hona chaho tum sankat se bimari se
To hai mera namr nivedan har nar se har nari se
Lo kharid tum isko iski sevan vidhiyaa hai nyari
Yadyapi tuchch vastu hai yah gun uske hai atishay bhari
Jo hai santati heen yaha yadi meri aushadhi ko khaye
Putar-ratn ho prapt are vah muh manga phal paye
Aushadhi meri jo ann kharide jivan bhar pachtayega
Mujh jaisa prani shayad hi are yaha aa payega
Duniya do din ka mela hai mauj shauk tum bhi kar lo
Gar isse milta hai sab kuch tum bhi isko lelo
Hairani badhati janta ki lakh iski karastani
Pramudit vah bhi man hi man tha lakh logo ki naadani
Khabar sunane baba ko yah gaya daudkar sevak ek
Sunkar bhrikuti tani aur vismaran ho gaya sabhi-vivek

Hukam diya sevak ko satvar pakad dushat ko lao
Ya shirdi ki sima se hi kapti ko dur bhagavo
Mere rahte bholi-bhali shirdi ki janta ko
Kaun nich aisa jo sahas karta hai chalane ko
Pal bhar mein hi aise dhongi kapati niich lutere ko
Mahanash ke mahagart mein pahuncha du jivan bhar ko
Tanik mila aabhas madari krur kutil anyayi ko
Kaal nachta hai ab sir par gussa aaya sai ko
Palbhar mein sab khel band kar bhaga sir par rakhkar pair
Sochta tha man hi man bhagvan nahi hai kya ab khair
Sach hai sai jaisa daani mil na sakega jag mein
Ansh ish ka saibaba unhe na kuchh bhi mushkil jag mein
Sneh shil saujany aadi ka aabhushan dharan kar
Badhata is duniya mein jo bhi manav-seva ke path par
Wahi jit leta hai jagati ke jan-jan ka antahsthal
Uski ek udasi hi jag ko kar deti hai vihval
Jab-jab jag mein bhaar paap ka badh badh hi jata hai
Use mitane ke hi khaatir avatari ho aata hai
Paap aur anyae sabhi kuch is jagti ka har ke
Dur bhaga deta duniya ke danav ko kshan bhar mein
Sneh sudha ki dhaar barsane lagati hai is duniya mein
Gale paraspar milne lagte hai jan-jan aapas mein
Aise hi avatari sai mrityulok mein aakar
Samta ka yah paath padhaaya sabko apna aap mitakar

Naam dwarka masjid ka rakkha shirdi mein sai ne
Daap taap santaap mitaya jo kuchh aaya sai ne
Sada yaad mein mast ram ki baithe rehte the sai
Preher aath hi ram naam ka bhajate rehate the sai
Rukhi sukhi taaji-baasi chahe ya hove pakvaan
Sada pyaar ke bhukhe sai ki khatir the sabhi saman
Sneh aur shradha se apne jan jo kuch de jate the
Bade chaav se us bhojan ko baba paavan karte the
Kabhi-kabhi man bahlane ko baba bag mein jate the
Pramudit man nirakh prakriti chhata ko ve hote the
Rang-birange pushap bag ke mand-mand hil-dul karake
Bihad viraane man mein bhi sneh salil bhar jaate the
Aisi sumadhur bela mein bhi dukh aapaat vipada ke mare
Apne man ki vyatha sunaane jan rahte baba ko ghere
Sunakar jinki karun katha ko nayan kamal bhar aate the

De vibhuti har vyatha shanti unke ur mein bhar dete the
Jane kya adbhut shakati us vibhuti mein hoti thi
Jo dhaaran karte mastak par dukh saara har leti thi
Dhane manuj ve saakshaat darshan jo baba sai ke paaye
Dhany kamal kar unke jinse charan-kamal ve parsaye
Kash nirbhay tumko bhi sakshaat sai mil jaata
Barso se ujada chaman apna phir se aaj khil jata
Gar pakdata mein charan shri ke nahi chhodata umrabhar
Gar pakdata mein charan shri ke nahi chhodata umrabhar
Mana leta mein jarur unko gar ruthte sai mujh par
Gar ruthte sai mujh par..gar ruthte sai mujh par..

Bolo shree sadguru sainath maharaj ki jai.