Pyaar Ka Blood Test Lyrics | Punjabi Song

Aane vaale kal ko sambhaale to
Beete lamhe chhoot jaate hain
Kuchh puraane yaar kabhee nahin milate
Aise rooth jaate hain
Ek phursat ka manjar aaj jamaane ke baad aaya
Yaadon kee elbam palat kar dekhee
Ek puraana yaar yaad aaya
Ye vo din the jab koee bhee
Kaam karana kuchh bhee khelane ke baad tha
Bujha-bujha sa ek dost mera
Naam magar chiraag tha

Har 15 din chiraag phir se jalata
Maidaan mein khelane kee jid karata
Magar usakee phariyaad ghar kee
Chaar deevaaron mein rah jaatee
Use mana karane vaala koee aur nahin hota
Usakee maan hee hotee
Jo har baar use mana karane ke
Baad akele mein ghanton rotee

Bujurgon see baate karata
Toophaan tha, tahalaka tha
Hava bhee chalatee to hil jaata
Itana vajan mein halka tha
Har tasveer mein aata
Har baar har yaad mein judana chaahata vo
Suparamain vaala libaas pahanakar
Na jaane kahaan udana chaahata vo
Apanee har baat kahane ke lie
Vah saans kheenchate rah jaata
Har res mein apana naam likhavaata
Aur sabase peechhe rah jaata

Har 15 din unakee teem pakka haar jaatee
Kyonki shoeb ke bina unakee teem kamajor pad jaatee
Laakh samajhaane ke baad bhee
Pata nahin vo kahaan gaayab ho jaata
Agale din poochhane par
Bade ajeebogareeb bahaane banaata

Rang usaka peela ya saphed

Kabhee hamasa na dikhata vo
Par ye kya hai…??Vo kyon hai…?
Poochhate poochhate kuchh naya roj sikhata vo
Kabhee divaalee ke pataakhon se bhaagata
Aur pichakaaree mein laal rang na bharata vo
Har 2 maheene mein school se 2 din gaayab
Mujhe laga shaayad maith aur histree se darata vo

Har 15 din ruben phaija se 1 kadam door hota
Apane dil ko kiston mein dard deta
Phaija is baihavior se pashopesh mein pad jaateen
Rooben izahaar kyon nahin karata??
Ye savaal khud se baar-baar doharaatee..
Lekin aspataal kee bistar par der tak jaagana
Berang sa lagana
Ye sab tha usake lie naya nahee
Bachapan bhale hee beet gaya par chehare se bachapana gaya nahin
Achchha tumhaaree umr kitanee hai?
Jaise savaalon se har roj kataraane lagata
Haath mein gitaar aate hee
“kal ho na ho…..” haan bas yahee geet gaane lagata
Poochhane par yahee kahata
Mere lie kee gaee sabhee mannate duaen beasar hain
Surkh laal rang hai ilaaj mera
Aur vahee mera jahar bhee hai

Aur har 15 din 20 saal ka gurameet
5 yaiars down thai linai sun kar muskuraata
Jindagee ka maidaan use phateh karana hai
Usake baad inataminaan se ritaayarament
Yahee sapana use hakeekat mein najar aata
Kaash maan paapa pahale jaan lete
Isase jyaada kabhee kuchh kaha nahin
Usako kya hua tha ye bhee tab jaana
Jab bataane ke lie khud duniya mein raha nahee
Vo bina kisee fikar ke gujaarana har din chaahata tha
Vo momabattiyaan bujhaakar kek kaatane vaala ek aur janmadin chaahata tha
Har 15 din baad kisee aur ko usakee tarah
15 dinon vaalee jindagee na mile bas yahee dua karata
Yahee dua karata kee jo usaka kal tha vo kisee ka aaj na ho
Phir kisee ke ghar, galee ya aashiyaane mein
Har roj bujhata chiraag na ho.