Lyrics

na ye chaand hogaa na taare rahenge
magar ham hameshaa tumhaare rahenge
na ye chaand hogaa
nazar dhuundhatii thii jise paa liyaa hai
ummiidon ke phuulon se daaman bharaa hai
ye din hamako sab din se pyaare rahenge
na ye chaand hogaa
kahuun kyaa mere dil kaa armaan kyaa hai
tumhen har ghadii chuumanaa chaahataa hai
kahaan tak bhalaa jii ko maare rahenge
na ye chaand hogaa
sahaaraa mile jo tumhaarii hansii kaa
bhulaa denge ham saaraa gam zindagii kaa
tumhaare liye hain tumhaare rahenge
na ye chaand hogaa