Lyrics

mujhe de rahe hain tasalliyaan vo har ek taazaa payaam se
kabhii aa ke manzar-e-aam par, kabhi hat ke manzar-e-aam se
na garaz kisii se na vaasataa, mujhe kaam apane hii kaam se
tere zikr se, terii fikr se, terii yaad se, tere naam se
mere saaqiyaa! mere saaqiyaa! tujhe mar_habaa! tujhe mar_habaa!
tuu pilaaye jaa, tu pilaaye jaa, isii chashm-e-jaam-ba-jaam se
teri subh-o-aish hai kyaa balaa, tujhe ai falak jo ho hausalaa
kabhii kar le aa ke muqaabalaa, gam-e-hijr-e-yaar kii shaam se