Kache Rang Utar Jaane Do Lyrics - Gulzar (Sampooran Singh Kalra) | Krishnan Nair Shantakumari Chitra (K.S. Chitra)

Kache rang utar jaane do
Mausam hai guzar jaane do
Kache rang utar jaane do
Kache rang utar jaane do


Wo kab tak intazaar karati
Kohare me khada hua pul
To nazar aa raha tha
Lekin us ke sire nazar
Nahi aate the kabhi
Lagata us ke dono
Sire ek hi taraf hai
Aur kabhi lagata is pul
Kaa koi sira nahi hai
Shaam bujh rahi thi
Aur aane waale ki
Koi aahat nahi thi kahi

Niche behata dariya kah raha tha
Aao mere aagosh me aa jaao
Mai tumhaari badnaami
Ke saare daag chhupa lugaa
Matti ke is sharir
Se bahut khel chuke
Is khilaune ke rag
Ab utarane lage hai
Kache rang utar jaane do


Nadi me itana hai
Paani sab dhul jaayega
Matti kaa tilaa hai
Ye ghul jaayega
Itani si matti hai
Dariya ko behana hai
Dariya ko bahane do
Saare rag bikhar jaane do.