Jo Samar Men Ho Gae Amar, Main Unakii Yaad Men Lyrics - Non-Film | Saigal | Non

jo samar men ho gae amar, main unakii yaad men
gaa rahii huun aaj shradhdhaanjalii-giit dhanyavaad men
jo samar men ho gae amar
laut kar na aaenge vijay dilaane vaale viir
mere giit anjalii men unake li_e nayan-niir
sang phuul-paan ke
rang hain nishaan ke
shuur viir aan ke
jo samar men ho gae amar
vijay ke phuul khil rahe hain, phuul adh-khile jhare
unake khuun se hamaare khet-baag-ban hare

dhruva hain kraanti-gaan ke
suurya nava-vihaan ke
shuur viir aan ke
jo samar men ho gae amar
vo gae ki rah sake svatantrataa svadeshh kii
vishva bhar men maanyataa ho mukti ke sandesh kii
praan desh-praan ke
muurti svaabhimaan ke
shuur viir aan ke
jo samar men ho gae amar, main unakii yaad men
gaa rahii huun aaj shradhdhaanjalii-giit dhanyavaad men