Lyrics

jo ham pe guzaratii hai tanahaa kise samajhaaen
tum bhii to nahiin milate, jaaen to kidhar jaaen
samajhaa hai na samajhegaa is gam ko yahaan koii
bedardon kii bastii hai, hamadard kahaan koii
jo sirf tumhaaraa hai, vo dil kise dikhalaaen
jo ham pe guzaratii hai
jab jaan-e-vafaa terii furaqat naa sataaegii
vo subah kab aaegii, vo shaam kab aaegii
kab tak dil-e-naadaan ko ham vaadon se bahalaaen
tum bhii to nahiin milate
aajaa ki muhabbat kii mitane ko hain tasaviiren
pahare hain nigaahon pe aur paanv men zanjiiren
bas men hii nahiin varanaa ham udake chale aaen
jo ham pe guzaratii hai